Астана қаласы әкімдігінің
«Қалалық жылжымайтын мүлік»
ШЖҚ МКК қызметіндегі 2025 жылы
сыбайлас жемқорлық тәуекелдеріне
ішкі талдау жүргізу туралы
«Сыбайлас жемқорлыққа қарсы іс-қимыл туралы» 2015 жылғы 18 қарашадағы Қазақстан Республикасы Заңының 8-бабының 5-тармағына, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы № 12 бұйрығымен бекітілген сыбайлас жемқорлық тәуекелдеріне ішкі талдау жүргізудің үлгілік қағидаларына (16.01.2023 жылғы №21 өзгерістермен), 30.12.2022 жылғы №488 Сыбайлас жемқорлық тәуекелдеріне ішкі талдау жүргізу бойынша әдістемелік ұсынымдармен, 2025 жылғы 27.03 бекітілген 2025 жылға арналған №4 «Сыбайлас жемқорлықтың алдын алу және оған қарсы іс-қимыл» үлгілік базалық бағытын іске асыру жобаларының картасымен, 2025 жылға арналған Астана қаласының квазимемлекеттік ұйымдарында сыбайлас жемқорлық тәуекелдеріне ішкі талдау жүргізу кестесімен, БҰЙЫРАМЫН:
- Астана қаласы әкімдігінің «Қалалық жылжымайтын мүлік» шаруашылық жүргізу құқығындағы мемлекеттік коммуналдық кәсіпорнының (бұдан әрі – Кәсіпорын) қызметіндегі сыбайлас жемқорлық тәуекелдеріне ішкі талдау жүргізілсін;
- Мына құрамда жұмыс тобы құрылсын:
– директордың орынбасары Елеужанов Асхат Хабзатұлы;
– мемлекеттік сатып алу бөлімінің бас маманы Ниязбаев Еламан Жамабайұлы;
– комплаенс – менеджер Базаров Талғат Жеңісбайұлы.
- Сыбайлас жемқорлық тәуекелдеріне ішкі талдау жүргізу жұмыс тобына жүктелсін.
- Сыбайлас жемқорлық тәуекелдеріне ішкі талдау келесі бағыттар бойынша жүргізілсін:
1) Кәсіпорынның қызметін қозғайтын нормативтік құқықтық актілердегі сыбайлас жемқорлық тәуекелдерін анықтау;
2) Кәсіпорынның ұйымдық-басқару қызметіндегі сыбайлас жемқорлық тәуекелдерін анықтау;
- Кәсіпорындағы сыбайлас жемқорлық тәуекелдеріне ішкі талдау 2024 жылғы 2 мамыр мен 2024 жылғы 14 маусым аралығында жүргізілсін.
- Сыбайлас жемқорлық тәуекелдеріне ішкі талдау жүргізудің жалпы кезеңі 2023 жылғы 1 сәуірден 2024 жылғы 1 сәуірге дейін белгіленсін.
- Жұмыс тобы сыбайлас жемқорлық тәуекелдеріне ішкі талдау қорытындысы бойынша талдамалық анықтамаға қол қойсын және бекіту үшін директорға ұсынсын.
- Осы бұйрықтың орындалуын бақылауды өзіме қалдырамын.
Директор А. Строчков
