2023 жылы Астана қаласы әкімдігінің “Қалалық жылжымайтын мүлік” ШЖҚ МКК қызметінде сыбайлас жемқорлық тәуекелдеріне ішкі талдау жүргізу туралы

25.05.2023 ж. №79

2023 жылы Астана қаласы әкімдігінің “Қалалық жылжымайтын мүлік” ШЖҚ МКК қызметінде сыбайлас жемқорлық тәуекелдеріне ішкі талдау жүргізу туралы

“Сыбайлас жемқорлыққа қарсы іс-қимыл туралы” 2015 жылғы 18 қарашадағы Қазақстан Республикасы Заңының 8-бабының 5-тармағына, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының 2016 жылғы 19 қазандағы № 12 бұйрығымен бекітілген сыбайлас жемқорлық тәуекелдеріне ішкі талдау жүргізудің үлгілік қағидаларына сәйкес БҰЙЫРАМЫН:

1. Астана қаласы әкімдігінің “Қалалық жылжымайтын мүлік” шаруашылық жүргізу құқығындағы мемлекеттік коммуналдық кәсіпорнының (бұдан әрі – кәсіпорын)қызметіндегі сыбайлас жемқорлық тәуекелдеріне ішкі талдау жүргізу;
2. Құрамында жұмыс тобын құру:
   – әкімшілік – құқықтық бөлімінің бас маманы Бакова Әсем Ерікқызы;
   – әкімшілік-құқықтық бөлімінің бас маманы Абылаева Гаухар Алеуханқызы;
   – бақша учаскелерін, гараждарды алып қою және жеке инвестицияларды игеру бөлімінің бас маманы Кожин Бөгенбай Қайырұлы;
   – Тастыбай Санат Хайдарұлы жер учаскелерін алып қою жөніндегі талап-арыз жұмысы бөлімінің бас маманы;
   – жер учаскелерін, тұрғын үйлер мен өндірістік үй-жайларды алып қою бөлімінің бас маманы Гайнулина Ғалия Шамильевна;
   – комплаенс – офицер Базаров Талғат Жеңісбайұлы.
3. Сыбайлас жемқорлық тәуекелдеріне ішкі талдау жүргізу Жұмыс тобына жүктелсін.
4. Сыбайлас жемқорлық тәуекелдеріне ішкі талдау келесі бағыттар бойынша жүргізілсін:

1. Кәсіпорынның қызметін қозғайтын нормативтік құқықтық актілердегі сыбайлас жемқорлық тәуекелдерін анықтау;

2. Кәсіпорынның ұйымдық-басқару қызметіндегі сыбайлас жемқорлық тәуекелдерін анықтау.

3. Кәсіпорындағы сыбайлас жемқорлық тәуекелдеріне ішкі талдау 2023 жылғы 1 маусым мен 2023 жылғы 13 шілде аралығында жүргізілсін.

4. Сыбайлас жемқорлық тәуекелдеріне ішкі талдау жүргізудің жалпы кезеңі 2022 жылғы 1 маусымнан 2023 жылғы 31 мамырға дейін белгіленсін.
5. Жұмыс тобы ішкі талдау қорытындысы бойынша директорға танысу және бекіту үшін талдамалық анықтама ұсынсын;
6. Осы бұйрықтың орындалуын бақылауды өзіме қалдырамын.

 

Қалалық жылжымайтын мүлік МКК директоры                   А.Н. Строчков